Patiṟṟup pattu

((Originally extracted from master file ^PATIRRU.OCP))
((Last updated on 2004 April 14th))

• {PATI 90-1} mīṉ vayiṉ niṟpa vāṉam vāyppa
• {PATI 90-2} accu aṟṟu ēmam āki iruḷ tīrntu
• {PATI 90-3} iṉpam peruka tōṉṟi tam tuṇai
• {PATI 90-4} tuṟaiyiṉ eñcāmai niṟaiya kaṟṟu
• {PATI 90-5} kaḻintōr uṭaṟṟum kaṭum tū añcā
• {PATI 90-6} oḷiṟu vāḷ vaya vēntar
• {PATI 90-7} kaḷiṟoṭu kalam tantu
• {PATI 90-8} toṉṟu moḻintu toḻil kēṭpa
• {PATI 90-9} akal vaiyattu pakal āṟṟi
• {PATI 90-10} māyā pal pukaḻ viyal vicumpu ūrtara
• {PATI 90-11} vāḷ valiyuṟuttu cemmai pūuṇṭu
• {PATI 90-12} aṟaṉ vāḻtta naṟku āṇṭa
• {PATI 90-13} viṟal māntaraṉ viṟal maruka
• {PATI 90-14} īram uṭaimaiyiṉ nīr ōraṉaiyai
• {PATI 90-15} aḷappu arumaiyiṉ iru vicumpu aṉaiyai
• {PATI 90-16} koḷa kuṟaipaṭāmaiyiṉ munnīr aṉaiyai
• {PATI 90-17} pal mīṉ nāppaṇ tiṅkaḷ pōla
• {PATI 90-18} pūtta cuṟṟamoṭu polintu tōṉṟalai
• {PATI 90-19} uru keḻu marapiṉ ayirai paravi um
• {PATI 90-20} kaṭal ikuppa vēl iṭṭu um
• {PATI 90-21} uṭalunar miṭal cāyttu um
• {PATI 90-22} malaiya um nilatta um aruppam vauvi
• {PATI 90-23} peṟṟa perum peyar palar kai irīiya
• {PATI 90-24} koṟṟa tiruviṉ uravōr umpal
• {PATI 90-25} kaṭṭi puḻukkiṉ koṅkar kō ē
• {PATI 90-26} maṭṭa pukāviṉ kuṭṭuvar ēṟu ē
• {PATI 90-27} eḻāa tuṇai tōḷ pūḻiyar meymmaṟai
• {PATI 90-28} iraṅku nīr parappiṉ marantaiyōr poruna
• {PATI 90-29} veḷ pū vēḷaiyoṭu curai talai mayakkiya
• {PATI 90-30} viravu moḻi kaṭṭūr vayavar vēntu ē
• {PATI 90-31} uravu kaṭal aṉṉa tāṅku arum tāṉaiyoṭu
• {PATI 90-32} māṇ viṉai cāpam mārpuṟa vāṅki
• {PATI 90-33} ñāṇ pora viḷaṅkiya vali keḻu taṭa kai
• {PATI 90-34} vārntu puṉaintaṉṉa ēntu kuvavu moympiṉ
• {PATI 90-35} mīṉ pūttaṉṉa viḷaṅku maṇi pāṇṭil
• {PATI 90-36} āy mayir kavari pāy mā mēlkoṇṭu
• {PATI 90-37} kāḻ eḵkam piṭittu eṟintu
• {PATI 90-38} viḻumattiṉ pukalum peyarā āṇmai
• {PATI 90-39} kāñci cāṉṟa vayavar peruma
• {PATI 90-40} vīṅku perum ciṟappiṉ ōṅku pukaḻōy ē
• {PATI 90-41} kaḻaṉi uḻavar taṇṇumai icaippiṉ
• {PATI 90-42} paḻaṉa maññai maḻai cettu ālum
• {PATI 90-43} taṇ puṉal āṭunar ārppoṭu mayaṅki
• {PATI 90-44} ve pōr maḷḷar teḷ kiṇai kaṟaṅka
• {PATI 90-45} kūḻ uṭai nal il ēṟu māṟu cilaippa
• {PATI 90-46} ceḻum pala irunta koḻum pal taṇ paṇai
• {PATI 90-47} kāviri paṭappai nal nāṭu aṉṉa
• {PATI 90-48} vaḷam keḻu kuṭaiccūl aṭaṅkiya koḷkai
• {PATI 90-49} āṟiya kaṟpiṉ tēṟiya nal icai
• {PATI 90-50} vaṇṭu ār kūntal oḷ toṭi kaṇava
• {PATI 90-51} niṉ nāḷ tiṅkaḷ aṉaiya āka tiṅkaḷ
• {PATI 90-52} yāṇṭu ōraṉaiya āka yāṇṭu ē
• {PATI 90-53} ūḻi aṉaiya āka ūḻi
• {PATI 90-54} veḷḷa varampiṉa āka eṉa uḷḷi
• {PATI 90-55} kāṇku vanticiṉ yāṉ ē ceru mikku
• {PATI 90-56} urum eṉa muḻaṅkum muraciṉ
• {PATI 90-57} peru nal yāṉai iṟai kiḻavōy ē